Një njgarje sa e pazakontë aq edhe e rëndë raportohet të ketë ndodhur në Brazil. Një grua ka gjetur vdekjen pasi ka konsumuar një çokollatë nga një fallxhore.
Mediat e huaja shkruajnë se gruaja kishte shkuar tek fallxhorja që lexonte edhe dorën, dhe i kishte parashikuar se nuk kishte dhe shumë kohë jetë.
Pasi i kishte lexuar dorën, fallxhorja i kishte dhënë një copë çokollatë si dhuratë. “Ëmbëlsira ishte e paketuar, dhe ajo nuk mendonte se mund të ishte e rrezikshme”, thotë kushërira e viktimës për mediat. “Ajo kishte qenë e uritur dhe vendosi ta hante.”
Menjëherë pasi ka konsumuar çokollatën gruaja ka rënë fillimisht pa ndjenja dhe më pas ka humbur jetën.
Rasti i saj është regjistruar si “çështje për t’u zbardhur, në pritje të rezultateve shkencore”,- raportojë mediat e huaja, ndërsa mësohet se viktima ishte nënë e një vajze 9-vjecare me nevoja të veçanta.
