Skënderbeu-Partizani pritet të ketë një numër rekord tifozësh të dielën në orën 16:30 në stadiumin e Korçës.
Pas fitores ndaj Erzenit, te bardhekuqtë është rikthyer qetësia dhe takimi ndaj kampionëve në fuqi pritet me shumë interes në qytetin juglindor.
Kjo përballje rikthen nostalgjinë për tifozët, pikërisht për vitet kur Skënderbeu dominonte kampionatin shqiptar dhe gjithnjë në Korçë sa herë luante kundër Partizanit, stadiumi ishte i tejmbushur me rreth 10 mijë veta, nga ku të shumtë ishin edhe të kuqtë.
Ndërkohë, trajneri Ivan Gvozdenoviç nuk do të ketë në dispozicion njërin prej titullarëve më stabël në repartin e mbrojtjes, ganezin Randi Dumfur.
Ky i fundit ka plotësuar numrin katër të kartonëve të verdhë, duke u bërë lojtari i parë që merr kaq shumë ndëshkime te bardhekuqtë në këtë start sezoni. Pjesa tjetër e skuadrës është gati kundër Partizanit.
Formacioni i mundshëm:
3-5-2: Alia, Frashëri, Ramos, Preniçi, Vangjeli (Gerco), Liço, Rabi, Pecani, Shaqe, Nikaj, Rashica
