Një 36-vjeçar i shpallur në kërkim është arrestuar këtë të premte nga Policia Korçë, pasi në bashkëpunim me një tjetër do të transportonte 21 emigrantë të paligjshëm, kundrejt pagesës.
Në pranga ka rënë shtetasi me iniciale, R. S., 36 vjeç, banues në fshatin Belorta, Korçë.
“Specialistët e Seksionit për Hetimin e Trafiqeve të Paligjshme të DVP Korçë ndaluan shtetasin në kërkim R. S., 36 vjeç, banues në fshatin Belorta, Korçë. Ky shtetas ka qenë i shpallur në kërkim në kuadër të operacionit policor “Midnight 14”, të finalizuar më datë 09.08.2023, në fshatin Vërdovë, Pogradec, pasi në bashkëpunim me shtetas të tjerë do të transportonte kundrejt pagesës, 21 emigrantë të paligjshëm”,– njofton Policia.
Materialet procedurale i kaluan Prokurorisë Korçë, për veprime të mëtejshme.
