Lulzim Basha vazhdon të befasojë me vendimet që merr në emër të Partisë Demokratike pasi së fundmi ka zbuluar se ka përjashtuar nga grupi parlamentar 11 deputetë demokratë që janë pjesë e Sali Berishës.
Në fakt të gjithë deputetët demokratë prej kohësh e kanë “braktisur” Lulzim Bashën i cili ditën e sotme ka zbuluar vendimin e kryesisë që do t’i dërgohet Kuvendit të Shqipërisë.
Emrat e përjashtuar janë si më poshtë:
1.Greta Bardeli;
2. Ina Zhupa;
3. Isuf Çela;
4. Asllan Dogjani;
5. Bujar Leskaj;
6. Edi Paloka;
7. Kastriot Piroli;
8. Lindita Metaliaj;
9. Ludovik Hasanaj;
10. Sorina Koti;
11. Tomorr Alizoti;
Ky vendim vjen pas përplasjeve për kreun e grupit parlamentar demokrat mes Lulzim Bashës dhe Gazment Bardhit. Ky i fundit ka organizuar në cilësinë e kreut të grupit parlamentar disa takime me deputetë të PD-së dhe Aleancës për Ndryshim, ku nuk kanë munguar as deputetët e që mbështesin Sali Berishën.
