Një aksident ka ndodhur mëngjesin e kësaj të enjte në bulevardin “Gjergj Kastrioti” të qytetit të Korçës.
Një makinë ka përplasur një të moshuar teksa ka qënë duke kaluar rrugën. Ngjarja ka ndodhur në afërsi të shkollës 9 vjeçare “Sotir Gura”, ndërsa e plagosur ka mbetur një 74-vjeçare, e cila është dërguar drejt spitalit për ndihmë mjekësore.
E moshuara ndodhet jashtë rrezikut për jetën, ndërkohë grupi hetimor po vijon hetimet për zbardhjen e plotë të rastit.
