Ish-kryeministri, Sali Berisha, ka reaguar sërish ditën e sotme për sulmin që ndodhi në veri, ku mbeti i vrarë me armë zjarri një efektiv policie.
Përmes një postimi në rrjete sociale, Berisha ka publikuar një video nga mesazhi i tij pas aktit terrorist, krahas së cilit shkruan se Partia Demokratike mbështet pa rezerva, të drejtën e Autoriteteve të Kosovës për mbrojtjen e integritetit territorial dhe sovranitetit të vendit.
Postimi:
“Sulmi i djeshëm në Manastirin e Banjskës ishte fillimi i kryengritjes së armatosur të organizuar nga Beogradi për hapjen e një konflikti të ri në rajon.
Për Partinë Demokratike të Shqipërisë dje, rajoni ynë përjetoi ngjarjen më të rëndë në fushën e sigurisë që nga përfundimi i luftës për çlirimin e Kosovës.
Edi Rama së pari, nuk shprehu ngushëllime për policin e rënë në krye të detyrës, sikur në Banjskë, po ndodhte një përleshje midis banda dhe banditësh.
Së dyti, duke besuar se kryengritja nuk do të shtypej nga policia e Kosovës, përsëriti me urgjencë kërkesën e Beogradit për konferencë ndërkombëtare vetëm e vetëm për të zhbërë arritjet 23-vjeçare të Kosovës në rrugën e lirisë dhe të pavarësisë dhe për të hapur dyert për uljen e Rusisë në këtë tavolinë, kërkesë kjo sin ekuanon e Serbisë,” theksoi Berisha një ditë më parë.
