Deputetja e Partisë Demokratike, Albana Vokshi ka zbuluar me shumë detaje sa i përket kësaj lëvizjeje të radhës nga opozita.
Opozita ka kërkuar ngritjen e një Komisioni Hetimor në lidhje me 4 koncensionet që janë dhënë në fushën e shëndetësisë.
Vokshi është shprehur se miliona eurot e programuara për këto këto koncensione, qeveria i ka adresuar tek xhepat e tyre, pasi nuk kryejnë shërbime për qytetarët. Sipas saj, ky komision do të vërtetojë mashtrimin e kryeministrit Rama në lidhje me premtimin e tij për shërbim shëndetësor falas.
“Deri diku janë zbardhur në lidhje me aferat më të mëdha korruptive që jo vetëm kanë pasur koste shumë të larta financiare, që kanë përthithur si një incenerator të sektorit të shëndetësisë paratë dhe fondet e shëndetësisë. 450 mln euro të programuar për të shkuar në 4 koncesione që nuk janë të dobishme, nuk i shërbejnë qytetarit por që u shërbejnë vetëm xhepave të pushtetarëve.
SPAK-u deri më tani nuk ka qënë në lartësinë e detyrës së tij sepse koncesioni i Check up-it është ende i pa hetuar. Vilma Nushi vazhdon merr milion euro në vit edhe për analiza që nuk kryen. Për të 2022 ka marrë 350 mijë euro për 25 analiza që nuk i ka kryer, pavarësisht se i gjithë shteti është në këmbë për të ndihmuar Vilma Nushin. Përsa i përket sterilizimit kemi nën hetim Klodjan Rrjepajn, kemi Ilirjan Rrapajn dhe në arrest shtëpie disa anëtarë të komisioneve të koncesionit dhe ndërkohë që Ilir Beqaj është ende i lirë. Edi Rama, që është koka e këtyre koncesioneve, nuk është ende nën hetim ndërkohë që Ogerta Manastriliu, që me kërkesën e saj ka ndryshuar termat e koncesionit të sterilizimit duke e rritur shumë fondin për sterilizimin, duke marrë para nga fondi i shëndetësisë në vend që të jepen shërbime të tjera.
Qëllimi kryesor i Edi Ramës, Ilir Beqajt dhe Ogerta Manastrilit ka qënë transiti i parave përv përfitime personale për përfitime personale, nga ana tjetër, në bashkëpunim me privatin, të gjithë pacientët që nuk mund të bëjnë ndërhyrje të publik shkojnë tek privati.
Çdo ditë na vijnë denoncime nga mjekë, infermierë, pacientë të cilët për shkak të abuzimit me këto korrupsione nuk marrin dot shërbimin shëndetësor. Ky komision hetimor do të funksionojë për të vërtetuar edhe njëherë që premtimi i bujshëm i shëntetësisë falas i Edi Ramës me të cilin erdhi në pushtet ka qënë thjeshtë një mashtrim. Qytetarët jo vetëm që nuk marrin shëndetësi falas, po ne paguajmë shumëfish më tepër shërbimin shëndetësor dhe pjesa më e madhe e qytetarëve nuk e marrin këtë shërbim.”, tha Vokshi per Syri tv.
