Një incident raportohet të ketë ndodhur mesditën e kësaj të hëne, në një minierë kromi në Bulqizë.
Një minator 44 vjeçar ka lënduar këmbën teksa ishte duke punuar, e si pasojë është nisur drejt spitalit për ndihmë mjekësore.
“Rreth orës 11.40, është dërguar për ndihmë mjekësore në spital shtetasi B.D., 44 vjeç, banues në Klos, i cili dyshohet se gjatë punës në një minierë kromi në qytetin e Bulqizës, është aksidentuar duke u lënduar lehtë në këmbë”,- njofton Policia.
Grupi hetimor po kryen hetimet në vendngjarje dhe po punohet për zbardhjen dhe shkaqet e kësaj ngjarjeje.
