Disa vatra zjarri janë ativizuar këtë të shtunë në Fier, duke djegur sipërfaqe me bimësi, shkurre dhe ullinj.
Një vatër e aktivizuar së fundmi në Patos, ka qënë shumë pranë me nënstacionin elektrik, kështu OSHEE ka njoftuar se është stakuar energjia elektrike, deri në neutralizimin e flakëve.
“Për shkak të zjarrit shumë pranë Nënstacionit Patos, OSSH është detyruar të stakojë energjinë elektrike, si masë e nevojshme sigurie.
Ndërkohë është njoftuar zjarrëfikësja”, njofton OSHEE.
Nuk dihet ende nëse zjarret janë rastësore apo të qëllimshme, ndërkohë policia po heton për zbardhjen e plotë të rasteve.
