Pas gjendjes alarmante në Fier, ku u aktivizuan 11 vatra zjarri në pak orë, flakët kanë përfshirë edhe disa fshatra në Selenicë.
Burimet bëjnë me dije se zjarri ka djegur tokat e disa fshatrave të njësisë Vllahinë dhe Kotë, ndërkohë asnjë zjarrikës nuk ka shkuar në vendngjarje.
Deri më tani raportohet se zjarri ka djegur sipërfaqe toke me ullinj dhe pemtari.
Zjarret raportohen edhe në disa fshatra të tjera, si Ramicë, Bashaj, Boder e Mavrovë, ku kanë përfshirë hapësira të mëdha tokash. Flakët të favorizuara nga era dhe errësira po përhapen me shpejtësi.
