Vincenzo Montella është trajneri i ri i Turqisë. Trajneri italian, i cili ka drejtuar edhe Milanin, është zgjedhur për të drejtuar përfaqësuesen turke.
Montella ka firmosur një kontratë 3-vjeçare. Kjo do të jetë eksperienca e tij e parë si trajner i një kombëtareje, ndërsa më parë ka drejtuar klube në Itali, Spanjë dhe Turqi, ku ka drejtuar në dy sezonet e fundit.
Aktualisht, Turqia renditet në vendin e dytë të grupit D të eliminatoreve të Evropianit, me 10 pikë, po aq sa Kroacia kryesuese, por me një ndeshje më shumë të luajtur.
