Kryetari demokrat Sali Berisha, në konferencën e përjavshme me gazetarët, thotë se Enkelejd Alibeaj po mbahet peng për të votuar rritjen e pagës së bashkëjetueses së tij.
Berisha shprehet se me rritjen e pagave për anëtarët e Gjykatës Kushtetuese, Rama kërkon që ta blejë përfundimisht gjykatën dhe ta shndërrojë një noter të megaaferave të tij.
“Ky është i zhveshur nga çdo lloj brumi njerëzor. Pa votat e Ali Bashës ligji nuk kalohet, nuk është vetëm bashkëjetueseja e Alibejat, por problemi është pazari i votave për të vendosur një standard që nuk ekziston në botë.
Nuk është probleme i shumës së 9 rrogave, por i parimit dhe moralit, është akt blerje i gjykatës Kushtetuese, shndërrimi i saj në një noteri.
Ajo gjykatë ka rëndësi kapitale, por me këtë rrogë Rama kërkon që ta blejë përfundimisht dhe ta shndërrojë një noter të megaaferave të tij.
Kurrë ndonjëherë Gjykata Kushtetuese nuk iu është drejtuar qeverisë për probleme buxhetore, por parlamentit., Këtë herë është bërë në zyrën e Ramës, ka ardhur nga zyra e Ramës blerja e noterëve kushtetues.
Nuk ka lidhje me reformën, ky është tejkalim rroge, dyfishojnë rrogën në krahasim me Gjykatën e Lartë të vendit.“- thotë Berisha.
