Një aksident është shënuar mëngjesin e sotëm në aksin Fushë Bulqizë – Shupenzë. Një fugon është përplasur me një Benz dhe si pasojë e aksidentit ka mbetur i lënduar drejtuesi i fugonit, i cili ndodhet në spital.
“Rreth orës 07.50, aksin rrugor Fushë Bulqizë-Shupenzë, janë përfshirë në një aksident automjeti tip furgon me drejtues shtetasin B.D., me automjetin tip “Benz”, me drejtues shtetasin A.F.
Si pasojë e përplasjes së mjeteve ka mbetur i lënduar vetëm shtetasi B.D., i cili po marr ndihmë mjekësore në spital.”- njofton policia.
Grupi hetimor po punon për zbardhjen e shkaqeve të aksidentit.
