Një pallat është përfshirë nga zjarri gjatë natës së djeshme në lagjen nr 4 të Durrësit. Mësohet se flakët kanë rënë rreth orës 23:30, në katin 10 -të të një pallati pranë stacionit të trenit.
Në vendngjarje shkuan shërbimet e Policisë dhe zjarrfikëset, të cilët bënë të mundur fikjen e zjarrit.
Shërbimet e Policisë evakuan menjëherë banorët. Familje të tëra kanë dalë jashtë shtëpive në prag mesnate ndërsa pjesa më e madhe ishin në gjumë.
Policia bëri me dije se nga zjarri nuk pati asnjë person të lënduar. Ende se çfarë e ka shkatkuar rënien e zjarrit në katin e dhjetë të pallatit.
Grupi hetimor po punon për sqarimin e rrethanave dhe shkaut të rënies së zjarrit.
