Kanë përfunduar konkluzionet e të gjithë avokatëve që mbrojnë të pandehurit për Inceneratorin e Elbasanit dhe disa kompanive. Ndërkohë, vendimi i Gjykatës së Posaçme do të shpallet me 5 tetor.
Mësohet se ish-ministri i Mjedisit Lefter Koka ka paraqitur një tjetër raport për gjendjen e tij shëndetësore, ku pretendon se ka probleme, në mënyrë që gjykata ta ketë parasysh para marrjes së vendimit.
Kompania “Albtek Energy shpk”, pretendoi se nuk ka kryer korrupsion për shkak se janë paguar punonjësit dhe inceneratori është ndërtuar. Avokati i kompanisë ka theksuar se është cenuar parimi i gjësë së gjykuar, për shkak të vendimit nga Gjykata e Elbasanit që e ka pushuar çështjen.
Prokuroria e Posaçme (SPAK) në pretencën e saj ka kërkuar për:
Lefter Koka 10 vite burg (6 vite e 8 muaj prej gjykimit të shkurtuar)
Alqi Bllako 4 vite burg (2 vite e 8 muaj prej gjykimit të shkurtuar)
Mirel Mërtiri 10 vite burg (6 vite e 8 muaj prej gjykimit të shkurtuar)
Stela Gugallaj 7 vite burg (4 vite e 8 muaj prej gjykimit të shkurtuar)
Klodjan Zoto 10 vite burg (6 vite e 8 muaj prej gjykimit të shkurtuar)
Pëllumb Abeshi 4 vite burg (2 vite e 8 muaj prej gjykimit të shkurtuar)
Jonida Zeqo 4 vite burg (2 vite e 8 muaj prej gjykimit të shkurtuar)
