Diplomati Agim Nesho ka komentuar mbledhjen e Këshillit të Sigurimit që u drejtuar nga kreu i qeverisë Edi Rama.
Në njëintervistë për emisionin ‘Now’ në Euronews Albania, ai theksoi se debati që bëri me përfaqësuesin rus ishte pa interes duke shtuar se kreu i qeverisë sonë shkeli rregulloren.
“Rama e tejkaloi në debatin që bëri me ambasadorin rus. Çështja e Ukrainës duhet të prevalojë. Debati ishte pa interes, ku ambasadori rus filloi t’i jepte leksione për procedurën e Këshillit.
Pavarësisht mjeshtërisë së piarit që Ramës nuk i mungon, pjesa tjetër është për ta përgëzuar, mbrojti atë linjën që shqiptarët e kanë kërkuar gjatë gjithë kësaj kohe. Rama ishte në një ngërç të madh. Rama bëri një show për veten e tij për arsye sepse dje dhe sot është bërë një diskutim për çështjen Mc Gonigal”-tha ai.
