Ka përfunduar takimi mes kreut të Partisë Demokratike Sali Berisha, Gazment Bardhit dhe deputetëve të opozitës të cilët janë mbledhur sërish në një tryezë të përbashkët në Kukës në kuadër të zgjedhjeve të pjesshme që do të zhvillohen të dielën në Kukës.
Gazment Bardhi në një deklaratë nga Kukësi u shpreh se në mbledhjen e deputetëve kanë kërkuar që të ngrihet komisionin për Reformën Zgjedhore. Bardhi tha se janë caktuar edhe emrat.
“Jemi ndalur në axhendën parlamentare të të enjtes, me fokus reformën zgjedhore. Sot kemi autorizuar ngritjen e komisionit hetimor që të propozojë projektvendimin për këtë reformë, bashekryetar është caktuar Oerd Bylykbashin, anëtarë Dhurata Çupi, Dashnor Sula, Ervin Salianji, Tomorr Alizoti, Lindita Metaliaj, Shpëtim Idrizi, Fatmir Mediu dhe Petrit Vasili. Për ne është e papranueshme që në dy vite komisioni i reformës zgjedhore nuk ka prodhuar asnjë rezultat duke favorizuar vjedhjen e vjedhjeve nga Rama”, tha Bardhi.
