Një 67-vjeçar në Elbasan ka rënë në prangat e policisë, pasi akuzohet se dogji një sipërfaqe me pemë frutore.
Burime zyrtare nga policia bënë me dije se bëhet fjalë për shtetasin me inicialet Xh. T., banues në fshatin Hajdaran.
“Shërbimet e Komisariatit të Policisë Elbasan, sapo janë njoftuar për një vatër zjarri në fshatin Hajdaran, kanë shkuar menjëherë në këtë zonë dhe kanë kryer veprimet hetimore për identifikimin e autorit të zjarrvënies.
Si rezultat, është identifikuar, kapur dhe arrestuar autori i dyshuar i këtij rasti, shtetasi Xh. T., 67 vjeç, banues në fshatin Hajdaran. Shtetasi Xh. T. dyshohet se ka ndezur zjarr në tokën në pronësi të tij, për djegien e disa mbeturinave, dhe si pasojë e përhapjes së flakëve, janë djegur disa sipërfaqe toke me pemë frutore dhe me shkurre, në pronësi të shtetasve të tjerë.”– njofton policia.
