Sezoni ka nisur mirë për Real Madridin dhe Carlo Ancelottin. Madrilenët janë skuadra e vetme e La Liga-s që ka arritur fitore të plota në 5 javët e para të kampionatit dhe kryeson renditjen me 15 pikë.
Fitorja e fundit ndaj Real Sociedad përfaqëson gjithashtu një rekord të ri për Ancelottin. Trajneri italian e kaloi Zinedine Zidane në numrin e ndeshjeve të fituara dhe qëndron në 173 të tilla. I pyetur nga RMTV, pas ndeshjes, italiani u shpreh shumë krenar dhe pranoi se “është një nder, ndihem shumë i lumtur”.
Për më tepër, Ancelotti shpjegoi se si do ta festonte këtë rekord të ri: “Këtë arritje do ta ndaj me gruan në shtëpi, duke pirë nga një gotë verë të mirë”.
