Një sherr raportohet të ketë ndodhur në Babrru, në orët e para të mëngjesit të sotëm.
Një 41 vjeçar është dhunuar me grushte nga persona ende të paidentifikuar.
Për pasojë 41-vjeçari është dëmtuar dhe ndodhet në spital. Ende nuk dihen shkaqet apo rrethanat e sherit, ndërkohë grupi hetimor po punon për sqarimin e plotë të rastit.
“Më datë 15.09.2023, rreth orës 06:50, në Babrru, shtetas ende të pa identifikuar, dyshohet se kanë goditur me grushte, shtetasin Sh. H., 41 vjeç, dhe më pas janë larguar.
Si pasojë 41-vjeçari është dëmtuar dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të ngjarjes, identifikimin dhe kapjen e personave të përfshirë në ngjarje”,– njofton Policia.
