Gjykata e Tiranës caktoi sot masën e sigurisë detyrim me paraqitje për këngëtaren Ruenca Haxhia, e njohur si Enca e cila u arrestuar tre ditë më parë për kultivim kanabisi.
Prokuroria kërkoi arrest me burg ndërsa avokatët kërkuan masë më të butë sigurie duke pretenduar se nuk qëndrojnë kriteret për masë arresti me burg. Sipas avokatëve kontrolli në banesë është bërë pa vendim gjykate por me iniciativë të policisë.
Mësohet se këngëtarja ishte e pranishme në seancë por nuk foli, ndërkohë më herët ajo ka pranuar se është përdoruese e kanabisit, dhe bimët i kishte mbjellë për përdorim vetjak.
Ndërkohë mbrojtja deklaroi në seancë se mbjellja e bimës është bërë për kureshtje.
