Një përplasje e dhunshme ka ndodhur mbrëmjen e kësaj të mërkure në kampin palestinez të refugjatëve Ain el Helueh, pavarësisht armëpushimit të shpallur të hënën, pas disa ditësh luftimesh vdekjeprurëse midis ekstremistëve islamikë dhe luftëtarëve të Fatahut.
Sipas drejtorit të komunikimit të Gjysmëhënës së Kuqe Palestineze në Liban, Imad Halak, 6 persona u vranë dhe 13 u plagosën. Fatah i presidentit palestinez Mahmoud Abbas dhe grupi islamik Hamas ishin zotuar të mbanin një armëpushim të brishtë në kampin, më i madhi në Liban, shkruajnë mediat e huaja.
Që nga 7 shtatori, të paktën nëntë persona janë vrarë dhe më shumë se 85 janë plagosur, përfshirë civilë, sipas të dhënave të shpallura sot nga Gjysmëhëna e Kuqe Palestineze.
