Autoritetet spanjolle kanë arrestuar 4 persona në kuadër të një operacioni antidrogë.
Mediat e huaja shkruajnë se është zbuluar një anije me rreth 2000 kilogramë kokainë, e cila po shkonte në brigjet e Galicisë.
Si rezultat janë arrestuar 4 persona, mes të cilëve një shqiptar, përfaqësues i organizatës që planifikonte të nxirrte ngarkesën në breg dhe kapiten i mjetit lundrues.
Droga, e cila i përket klanit ballkanik, është e njëjtë me 9.5 tonët e kapur në Algeciras. Deri më tani nuk dihen detaje nga aksioni në fjalë si dhe emrat e personave të arrestuar.
