Rudi Voller nuk është prekur nga koret e tifozëve: “Ka vetëm një Rudi Voller”, i kënduar në euforinë e një mbrëmjeje që ka parë Gjermaninë të kthehet të fitorja (2-1) në miqësoren e luksit kundër Francës.
Legjenda e futbollit gjerman, i emëruar trajner i përkohshëm i Gjermanisë pas shkarkimit të Hansi Flick, nuk ka ndërmend të qëndrojë:
“Rezultati nuk e ndryshon situatën. Për mua është shumë e qartë: ditët e fundit kanë qenë shumë stresuese”, ka deklaruar në konferencë për shtyp Voller, në përfundim të ndeshjes.
Rudi do të kthehet në rolin e tij të drejtorit sportiv dhe do të nisë kërkimet për një trajner të ri, të cilin ka premtuar se do ta gjejë brenda tri javësh:
“Dëshira ime është që t’jua prezantoj trajnerin e ardhshëm gjerman gjatë pauzës së ardhshme për kombëtaret. Nuk do të përmend emra, rëndësi ka që të jetë dikush që flet gjermanisht. Më pas duhet të jetë edhe njeri i jashtëzakonshëm”.
Në kërkimin e trajnerit ideal, Voller ka siguruar se “do të flas në telefon me një ose dy lojtarë”, ndoshta ish-yje të kombëtares gjermane.
Philipp Lahm dhe Bastian Schweinsteiger e kanë shprehur preferencën e tyre për Louis van Gaal, por që nuk beson se ka mundësi sepse “asnjë trajner i huaj nuk është zgjedhur në rolin e trajnerit të kombëtares gjermane”. Favoriti është Julian Nagelsmann.
