Një ngjarje e rëndë raportohet të ketë ndodhur në Greqi.
Një efektiv policie, në rrethana ende të paqarta ka vrarë me armë zjarri gruan e tij dhe më pas ka vrarë veten.
Trupat e tyre u gjetën në një banesë në rrugën 27 Komninon. Sipas informacioneve paraprake, gruaja kishte ndërruar jetë kur në vendngjarje mbërriti ambulanca e EKAB-it me një repart dhe një mjek, ndërsa pak më vonë, me gjithë përpjekjet e mjekut dhe të shpëtimtarëve, edhe polici 38-vjeçar ndërroi jetë.
Në vendngjarje ka shkuar një ekip i Sektorit të Krimeve Kundër Jetës në Divizionin e Selanikut për të zbardhur ngjarjen.
