Policia e Durrësit ka arrestuar një 27-vjeçare dhe ka proceduar penalisht mamanë e saj 53 vjeç pasi kanë dhunuar me shkop fqinjin e tyre 78 vjeç.
“Specialistët për Hetimin e Krimeve të Komisariatit të Policisë Durrës vunë në pranga shtetasen E. M., 27 vjeçe, si dhe referuan materialet në Prokurori ku nisi procedimi në gjendje të lirë për nënën e 27-vjeçares, shtetasen E. M., 53 vjeçe, të dyja banuese në lagjen nr.1, pasi për motive të dobëta, kanë goditur me send të fortë (shkop), fqinjin e tyre 78-vjeçar.”– njofton policia.
Materialet i kaluan Prokurorisë për veprime të mëtejshme.
