Tre efektivë policie kanë mbetur të plagosur, pas një aksidenti automobilistik të regjistruar pasditen e kësaj të hëne në aksin rrugor “Levan-Tepelenë”
Burime zyrtare bëjnë me dije se automjeti tip “Land Rover” me drejtues shtetasin S. B. është përplasur me automjetin e Policisë tip “Skoda”, me drejtues punonjësin e Policisë H. K. Si pasojë e përplasjes kanë mbetur të plagosur tre punonjësit e Policisë, shtetasit H. K., E. Gj. dhe G. S..
Ngjarja ka ndodhur rreth orës 16:50, në fshatin Frakull e Madhe. Tre të plagosurit janë dërguar me urgjencë në spital dhe ndodhen nën kujdesin e mjekëve.
Grupi hetimor po punon për përcaktimin e shkakut të aksidentit.
