Një aksident automobilistik është regjistruar pasditen e kësaj të hëne në aksin rrugor Shkodër – Koplik, ku për pasojë ka mbetur i plagosur një person.
Autoritetet policore bëjnë me dije se mjeti me drejtues shtetasin D. Ç., 52 vjeç, është përplasur me motorin me drejtues shtetasin E. D., 33 vjeç. Si pasojë e aksidentit, ka mbetur i plagosur drejtuesi i motorit, i cili ndodhet në spital, nën kujdesin e mjekëve. Ngjarja ka ndodhur rreth orës 16:40, në kryqëzimin e fshatit Golem.
Grupi hetimor ndodhet në vendngjarje dhe vijon punën për përcaktimin e shkakut të saktë të aksidentit.
