Një aksident i rëndë është regjistruar në Greqi, ku si pasojë raportohet për tre persona të vdekur dhe 40 persona të plagosur.
Sipas mediave fqinje, aksidenti ka ndodhur në rrugën nacionale Athinë-Selanik , pranë zonës së Polikastros në dalje për në Evzonon.
Në aksident është përfshirë një autobus turistik dykatësh me targa serbe me 78 pasagjerë, i cili është përplasur kokë më kokë me një veturë me katër pasagjerë. Tre pasagjerët e makinës janë gjetur të vdekur dhe i katërti është plagosur rëndë.
Menjëherë pas përplasjes së autobusit me makinën, një tjetër makinë ka përplasur makinën e parë, por pa të lënduar. Autobusi dhe një makinë përfunduan jashtë rrugës në një kanal.
Në vendin e ngjarjes shkuan forca të shumta policia dhe zjarrfikëset, ndërsa po punohet për të zbardhur rrethanat e aksidentit.
