Një aksident i rëndë është shënuar mbrëmjen e sotme në fshatin Pjetroshan në Malësinë e Madhe.
Sipas informacioneve paraprake, një person ka humbur jetën. Mendohet se një automjet ka goditur një kalimtar duke i shkaktuar vdekjen e menjëhershme.
Viktima është me iniciale LL.P., rrethë 68 vjeç.
Shërbimet policore kanë mbërritur në vendin e ngjarjes ndërsa pritet identifikimi i viktimës.
Malësi e Madhe/Informacion paraprak
Rreth orës 19:55, në aksin rrugor “Shkodër-Hani i Hotit”, në vendin e quajtur “Aliaj”, automjeti me drejtues shtetasin K. S., 20 vjeç, ka përplasur shtetasin Ll. P., 68 vjeç (këmbësor).
Nga përplasja, 68-vjeçari ka humbur jetën. Ndërkaq, Policia ka shoqëruar në Komisariat, shtetasin K. S., për kryerjen e veprimeve të mëtejshme procedurale.
Grupi hetimor vijon hetimet për përcaktimin e shkakut të këtij aksidenti.
