Policia ka identifikuar dhe ka proceduar penalisht 3 persona (2 prej tyre të mitur) pasi ndezën zjarre nga pakujdesia në lagjet “Haxhias” dhe “Shënkoll”. Zjarret, të favorizuara nga era e fortë, rrezikuan pronat përreth.
“Menjëherë pas marrjes së njoftimeve për zjarre në 2 lagje të ndryshme të qytetit të Elbasanit, shërbimet e Policisë kanë organizuar punën dhe kanë shkuar në 2 vendngjarjet.
Si rezultat i ndërhyrjes së shpejtë, shërbimet e Policisë, ato zjarrfikëse dhe emergjencat civile, kanë bërë të mundur, shuarjen e të dy zjarreve, të cilat për shkak se favorizoheshin nga era e fortë, rrezikonin sipërfaqe të mëdha toke dhe objektet përreth.
Për te dyja rastet janë identifikuar autorët e dyshuar, dhe për ta specialistët për Hetimin e Krimeve të Komisariatit të Policisë Elbasan kanë referuar materialet procedurale në Prokurori, ku ka nisur procedimi në gjendje të lirë për:
-shtetasin M. S., 59 vjeç, banues në Elbasan, pasi nga pakujdesia, ka ndezur zjarr në tokën e tij, dhe si pasojë është djegur një sipërfaqe toke me bimë të ulëta, në pronësi të një shtetasi tjetër;
-dy 13-vjeçarë, të dy banues në lagjen “Shënkoll”, pasi nga pakujdesia, kanë ndezur zjarr, dhe si pasojë është djegur një sipërfaqe toke e mbjellë me pemë frutore, në pronësi të një shtetasi tjetër.”- njofton policia.
Materialet i kaluan Prokurorisë për veprime të mëtejshme.