Kreu i PD-së, Sali Berisha gjatë konferencës me gazetarët, ka folur rreth ndryshimeve në qeveri dhe fjalimit që mbajti kryeministri Edi Rama në asamblenë e PS-së.
Berisha tha se Rama në fjalimin e tij tregoi vetëm urrejtje për njerëzit e tij, ndërsa sipas Berishës ka sjellë në kabinet Bosin e Ndranghetës në Tiranë, referuar Arbian Maznikut.
Referuar videos së publikuar në rrjet, ku shfaqeshin ministrat e Ramës në Dubai, berisha tha se Ahmetaj e porositi biftekun për dy vetë, duke iu referuar dhe Maznikut që ishte në tavolinë. Berisha ka komentuar edhe ministrat e rinj Albana Koçiu dhe Ervin JMete.
“Asambleja ishte me disa dimensione. Paraqitje si krimineli që i kanë kallë datën bashkautorët në krime, nëse e vutë re ju ai në këtë fjalim nuk kishte urrejtje për mua. Ai të gjithë urrejtjen e kishte për të vetët. Ju të tillë dhe të atillë, ju kështu ju ashtu, unë i ndershmi, ju hajdutët, pra. Duhet të bëni një analizë. Nëse bëni face reading të asamblesë tregonte një terror që ushtroi ndaj anëtarëve të asamblesë. Bashkë kemi vjedh, por burgu është për ju jo për mua, ky ishte morali i tij. Zëvendësime. U tha shqiptarëve se jeni të pashpresë nëse nuk merrni në dorë fatin tuaj. Kë solli në qeveri. Solli përfaqësuesin zyrtar të Ndrangheta në Tiranë, Maznikun. Bosin e Ndranghetës sipas autoriteteve italiane. Është ikona më e shëmtuar e zyrtarit të babëzitur që merrte 12 rroga si nënkryetar bashkie. Ikën mëkatarë, ikën të korruptuar, erdhën mëkatarë, erdhën të korruptuar. I kam publikuar të gjitha këto. Ahmetaj ka thënë që te Nusreti ka porositur 2 biftekë, jo një. Në vend që të shkojë në qeli për aferën me djegësit bëhet ministër. Koçiu është e regjistruar se merr para. I thotë vajza nënës së vet që duhet t’i jap para kësaj se nuk bëhet ndryshe. Rama po shtrëngon radhët me bashkëvjedhësit e tij kur ka qenë në bashki e pas. Mete, çfarë vidhej këtu shkonin dhe strehoheshin te ky. Plus që ka dhe ca pikëpyetje të mëdha të tjera por janë në hetim e sipër. Për këtë të ministrisë së jashtme nuk them dot gjë sepse nuk e njoh”, tha Berisha.
