Policia italiane ka arrestuar një 21-vjeçar shqiptar, identiteti i të cilit nuk bëhet me dije, pasi akuzohet për trafik të lëndëve narkotike.
Mediat përtej Adriatikut raportojnë se shqiptari i janë gjetur nga karabinierët mbi 1 kilogramë kokainë në makinë dhe 1.6 kg marijuanë në shtëpi.
I riu fillimisht u ndalua për kontroll rrugor nga policia dhe në makinë iu gjet një sasi droge. Më pas autoritetet kontrolluan edhe në banesën e tij në zonën Borgo Panigale, në periferi të Bolonjës.
