Një lajm i papritur për Gjermaninë dhe për trajnerin Hansi Flick.
Jamal Musiala nuk do të jetë në dispozicion të gjermanëve për shkak të një problemi me shpinën.
Siç njofton federata, me një komunikatë zyrtare për media, mesfushori do të kthehet sot në Mynih, duke mos luajtur dot kështu në ndeshjen e planifikuar kundër Japonisë, takim ky që gjithsesi nuk mbart vlerë të madhe pasi është thjeshtë një test miqësor.
Musiala do të mungojë edhe në miqësoren e së martës së ardhshme kundër Francës. Për momentin kombëtarja nuk ka bërë të ditur zëvendësuesin, siç ndodhi me rastin e Fullkrug, i cili u kthye në shtëpi dhe u zëvendësua nga Thomas Muller.
