Një ngjarje e paprecedentë ka ndodhur në Rrëshen, ku një varr familjar i familjes Picaku është dhunuar sistematikisht nga një person.
Familja Picaku shprehet për mediat se rastin e ka denoncuar në polici dhe më pas ka zëvendësuar të gjitha fotografitë e thyera. Por historia është përsëritur pasi vetëm dy ditë më vonë, varri është dhunuar duke thyer fotografitë e personave të ndjerë.
Kjo gjë ka ndodhur edhe dy herë të tjera brenda muajit Gusht. Të gjendur në këtë situatë, familja ka vendosur kamera të fshehtë në varreza, e cila ka zbuluar autorin e këtyre dëmtimeve. Familja ka dorëzuar materialin filmik në polici, dhe pritet që autori të marrë masën ndëshkuese.
Gjithashtu, familja Picaku mohon të ketë probleme me familjen e të riut që është parë duke dhunuar varrin familjar.
