Një ngjarje e rëndë ka tronditur mëngjesin e sotëm zonën e Tepelenës.
Sipas policisë shtetasi Sokrat Zeraj pas konfliktit për motive të dobëta ka qëlluar me armë zjarrin ndaj një 30-vjeçari duke e lënë të plagosur në malin e fshatit Matohasanaj.
Nga të dhënat e para policia bën me dije se të dy shtetasit janë barinj por ende nuk është zbardhur arsyeja e sherrit mes tyre. Shërbimet e Policisë kanë organizuar menjëherë, punën dhe kanë shkuar në vendngjarje, me qëllim kapjen e autorit.
“Si rezultat i veprimeve të shpejta të shërbimeve të Policisë, është kapur dhe vënë në pranga shtetasi Blerim Luzi., 30 vjeç, banues në fshatin Matohasanaj, pasi në malin e këtij fshati, për shkak të një konflikti për motive të dobëta, ka plagosur me armë zjarri (pushkë), shtetasin Sokrat Zeraj., 59 vjeç, i cili ndodhet nën kujdesin e mjekëve, jashtë rrezikut për jetën”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
