Janë zbardhur detajet se si u arrestua nga Francë, Behar Bajri, një nga emrat më të njohur të krimit në Shkodër i shpallur në kërkim nga SPAK në kuadër të operacionit “Metamorfoza”.
Burime bëjnë me dije se ai ai është mbajtur për rreth dy javë nën vëzhgim nga pala shqiptare dhe më pas kanë njoftuar autoritetet frqanceze për të kryer arrestimin. 43-vjeçari mësohet se u arrestua teksa ndodhej i vetëm në një lokal në Paris. Në momentin e ndërhyrjes, të njëjtat burime bëjnë me dije se ai nuk ka bërë rezistencë ndaj oficerëve të policisë, ndërsa nuk iu gjet ndonjë send i jashtëligjshëm me vete.
Behar Bajri ishte shpallur në kërkim ndërkombëtar, në kuadër të operacionit “Metamorfoza”, grup të pandehurish që akuzohen për vrasje, grup kriminal dhe korrupsion. Hetimet nisën në vitin 2019 pas informacioneve nga autoritetet holandeze, belge dhe franceze që zbardhën komunikimet mes anëtarëve të grupit në rrjetet Enchro Chat dhe Sky. Në këto mesazhe, biznesmeni Pëllumb Gjoka, i arrestuar, ka kërkuar që 43-vjeçari Behar Bajri të vriste për 120 mijë € Klenthi Musabelliun, ish punonjës i policisë së burgjeve. Sipas dosjes, Behar Bajri ka komunikuar me Ervis Martinajn, ish-bosin e zhdukur të lojërave të fatit, dhe kanë shkëmbyer objektivët. Behar Bajri dhe Denis Borrici ekzekutuan Gjin Boriçin me porosi të Martinajt, dhe ky i fundit do të eliminonte Kleanth Musabelliun vrasje e cila nuk u realizua pasi shënjestra kuptoi planin.
Bajri pritet të ekstradohet pas vendimeve të të gjitha shkallëve të gjyqësorit në Francë, të cilat do të japin fjalët e fundit. Ironikisht, Franca ishte vendi që dha materialet e bisedave të SkyECC që zbërthyen ngjarjet kriminale në kuadër të dosjes “Metamorfoza”. Pala shqiptare ka oficer tonin që qëndron në Francë dhe bënë vëzhgimin e personave që janë në kërkim ndërkombëtar.
