Skuadra amerikane e basketbollit për meshkuj është kualifikuar për në gjysmëfinalen e Botërorit që po mbahet në Filipine.
SHBA shkatërroi në çerekfinale Italinë me rezultatin 100-63.
Mikal Bridges i Brooklyn Nets ishte lojtari më i mirë për amerikanët në këtë sfidë duke shënuar 24 pikë.
Në gjysmëfinalen e së premtes, SHBA luan me fituesin e çerekfinales e së mërkurës mes Gjermanisë dhe Letonisë.
Kujtojmë që lista e SHBA-së për këtë Kupë Bote, e drejtuar nga Steve Kerr, përfshin lojtarë të rinj pa përvojë të mëparshme olimpike ose të Kupës së Botës por përsëri mbetet favoritja për të fituar turneun.
Më herët gjatë ditës së sotme, Serbia mundi Lituaninë për të arritur në gjysmëfinale. Serbia, do të ndeshet në raundin tjetër me fituesen e çiftit Kanada-Slloveni.
https://www.youtube.com/watch?v=J-Fl7Z-qsFE
