Një 65-vjeçar është arrestuar këtë të hënë në Devoll, pasi është kapur duke transportuar dru të prera në mënyrë të paligjshme.
Në pranga ka rënë shtetasi me iniciale I. Z., pasi është kapur me një sasi drush zjarri dhe mjetin bujqësor “John Deere” me rimorkio, pa targë.
Nga verifikimet e kryera rezultoi se 65-vjeçari e drejtonte pa leje drejtimi këtë mjet, të cilin dyshohet se e përdorte për transportimin e druve të prera në mënyrë të paligjshme.
Sasitë e druve dhe automjeti u sekuestruan në cilësinë e provës materiale.
Materialet procedurale i kaluan Prokurorisë Korçë, për veprime të mëtejshme.
