Partizani e nisi misionin për mbrojtjen e titullit me një fitore ndaj Laçit në shtëpi.
Të kuqtë iu falën golit të Maguette në minutat shtesë për të marrë 3 pikë që në start.
Pas ndeshjes, trajneri Zoran Zekic foli për mikrofonin e MCN TV.
“Falenderoj Zotin që fituam në fund. Qëndruam të fshehur, nuk u treguam kompakt, nuk ishim mirë në mbrojtje. Në 15 minutat e para pashë që duhet të bëja disa ndryshime. Kishim 3-4 lojtarë që ishin komplet jashtë forme.
Nuk luajtëm futboll, mund të pësonim 2-3 gola. Sot ishte një problem mental. Disa lojtarë mund të mendojnë se mund të fitojnë lehtë, por nuk është kështu.
Vuajtëm shumë. Jemi të lodhur dhe na duhen disa energji dhe të bënim presion në fillim. Sot ishte e qartë, nuk mund ta bënim këtë sot. Ajo që mund të them për rotacionet është që ndërrova 3 lojtarë, por kjo nuk është arsye, është thjeshtë në kokën tonë. Po të shënonte Laçi do ishte thuajse e pamundur të rikuperohej.”
Zëvëndësimi i Carës? Ishte taktike, ka rëndësi si luan kur ke topin, kur nuk e ke, kur sulmon dhe kur mbrohesh. Nuk isha i kënaqur fare me të. Është e para dhe e fundit herë që performojmë në këtë formë.
I kënaqur për Bytyçin? Jam i kënaqur, është djalë i ri. Ishte ndeshja e tij e dytë dhe luajti mirë. Ai do kohën e vet për t’u përmirësuar. Sot ishte e vështirë të luhej pasi luajtëm shumë avash. Pati pak ngarkesë pasi sulmi nuk bëri mirë detyrat e tyre. Sot jam i lumtur vetëm me 2 lojtarë: Pano Qirko dhe Maguette. Maguette ishte perfekt sonte.
Forma e Grezdës? Ka 5 vite që nuk ka vazhdimësi, është e vështirë disa herë për të. Të gjithë i dinë kualitetet e tij, ne besojmë tek ai dhe lojtarët e tjerë.
