Është rikthyer sërish situata alarmante në Greqi. Mediat e huaja raportojnë se një tjetër vatër zjarri është riaktivizuar këtë të dielë në Evros. Sipas raportimeve zjarri po shkon drejt fshatit dhe kampit të Brigadës së 7-të.
Që në orët e para të mëngjesit në zonë po punojnë forca të shumta zjarrfikëse, tokësore dhe ajrore, të cilat tentojnë të izolojnë zjarrin, intensiteti i të cilit ndryshon herë pas here. Në Prefekturë, sipas Drejtorisë së Mbrojtjes Civile, ka ende një rrezik shumë të lartë zjarri, kategoria 4.
Sot në Evros për shuarjen e dy vatrave të fundit aktive po punojnë 582 zjarrfikës me 122 automjete, 16 divizione këmbësorie, me ndihmën e tetë avionëve dhe dy helikopterëve nga ajri.
