Pas humbjes së thellë 0-4 në “Kukës Arena”, për mikrofonat e MCN TV, foli dhe trajneri i verilindorëve, Rraman Hallaçi.
“Kemi zhvilluar ndeshje të dobët, kemi stonuar totalisht. Nuk e kishim menduar diçka të tillë. E vlerësoj Egnatian pasi ka bërë një skuadër cilësore. Bëmë shumë gabime dhe humbëm kundërshtarin. Patëm probleme në marrjen e topin dhe humbëm duelet një kundër një.
Kemi folur me skuadrën dhe e dimë që do të kemi vështirësi. Pavarësisht ndryshimeve që bëra, ne e kishim përsëri të vështirë. Duhet ta harrojmë këtë ndeshje sepse kemi ndeshje të tjera. Ajo ç’ka na duhet është vetëkritika dhe të rregullojmë gabimet.
Për mua Rivas ishte një shqetësim i madh. Doli sot në nxehmje, por e kishte të pamundur. Edhe mungesa e Tafas është një shqetësim i madh për mua si trajner. Duhet të presim edhe Rashiti, pasi normalisht pjesa tjetër e lojtarëve janë të rinj. Kemi shumë punë për të bërë pasi diferencat ishin shumë të mëdha sot.
Jemi të ndërgjegjshëm që duhet të bëjmë çmos që të ngrihemi nga kjo ndeshje. Një ndeshje shumë e dobët siç e thashë. Kemi krijuar një skuadër me sakrifica”, është shprehur trajneri Hallaçi.
