Dy të rinj shqiptarë janë arrestuar në Gjermani, pasi janë kapur duke punuar në shtëpi bari.
Mediat e huaja raportojnë se droga rritej në një magazinë në Krefeld të Gjermanisë. Por ajo që i befasoi më shumë autoritetet dhe mediat e këtij vendi nuk ishte fakti se aty brenda po rriteshin plot 2 mijë bimë kanabisi.
Por ‘shtëpia e barit’ ishte ngritur shumë pranë qendrës së hapur në fillim të këtij viti për të ndihmuar personat e varur nga droga. Dy shqiptarë, 18 dhe 26 vjeç, kujdeseshin për drogën.
Ata nuk kishin leje qëndrimi në Gjermani dhe janë arrestuar dhe pritet të dalin përpara gjykatës. Vlera e drogës së sekuestruar shkon në 750 mijë euro.
