Zëdhënësi i Kremlinit Dmitry Peskov konfirmoi sot se presidenti rus Vladimir Putin dhe ai turk Rexhep Tajip Erdogan do të takohen të hënën më 4 shtator në Soçi të Rusisë.
Lajmi është bërë i ditur nga agjencia Ria Novosti.
Turqia pritet të nxisë rivendosjen e marrëveshjes së drithit, e mbështetur nga OKB, pas tërheqjes në mënyrë të njëanshme nga Moska në korrik, si dhe aksesin në furnizime të gazit natyror.
Takimi shënon një vizitë të rrallë në Rusi nga udhëheqësi i një vendi anëtar të NATO-s që nga fillimi i luftës gjithëpërfshirëse të Moskës në Ukrainë.
