Një 22-vjeçar është plagosur me thikë në Mallakastër. I riu është transportuar në spital, ndërsa autori është ndaluar. Ai është një 38-vjeçar i cili raportohet se ka probleme të shëndetit mendor.
Sipas policisë, konflikti mes palëve ka ndodhur për motive të dobëta.
“Menjëherë pas njoftimit se në pedonalen e qytetit, një shtetas kishte dëmtuar me mjet prerës (thikë) një shtetas tjetër për shkak të një konflikti për motive të dobëta ndërmjet tyre, shërbimet e Komisariatit të Policisë Mallakastër kanë ndërhyrë dhe kanë neutralizuar autorin. Për këtë rast u shoqërua në ambientet e Komisariatit të Policisë Mallakastër për kryerjen e veprimeve të mëtejshme procedurale shtetasi E.M., 38 vjeç (me probleme të shëndetit mendor), ndërsa i dëmtuari, shtetasi K. I., 22 vjeç, është në kujdesin e mjekëve”, njoftoi policia.
Në cilësinë e provës materiale u sekuestrua thika me të cilën u krye plagosja.
