Fotografia në burgun e Xhorxhias është kthyer në një ikonë të mbështetësve të Donald Trump, duke ndihmuar fushatën e ish-Presidentit amerikan në mbledhjen e fondeve.
Politico bën me dije se kandidati republikan, i cili përballet me një mori akuzash, ka mbledhur 7,1 milionë dollarë që prej publikimit të fotografisë nga autoritetet. Duke cituar një burim në kushte anonimati, Politico raporton se vetëm të premten fushata e Trump arriti të mbledhë 4,18 milionë dollarë.
Fill sapo Zyra e sherifit të qarkut të Fulton publikoi foton, djali i Trump, Donald Trump Jr. lajmëroi se kishte lançuar një linjë mallrash që mbante imazhin dhe etiketën “Kurrë mos u dorëzo!” Në një postim në X (ish Twitter), ai tha se të gjitha të ardhurat nga shitja e bluzave, krikllave dhe posterave do të shkojnë në Fondin e Mbrojtjes Ligjore “për të luftuar tiraninë dhe çmendurinë që po shohim para nesh”.
Pjesa më e madhe e parave vijnë nga produkte s kriklla, bluza dhe pije freskuese që mbajnë fytyrën e ish-Presidentit.
