Presidenti kinez Xi Jinping vizitoi sot Xinjiang, duke lavdëruar “stabilitetin social të fituar me vështirësi” në rajon, i cili ka qenë prej kohësh i rrënuar nga sulmet dhe ku Pekini ka ndërmarrë një goditje në vitet e fundit në emër të luftimit të terrorizmit.
Është udhëtimi i dytë i presidentit kinez që nga korriku 2022 në këtë rajon veriperëndimor të vendit, që është rajoni i pakicës ujgure. Sipas studimeve perëndimore, ujgurët janë shumica myslimanë dhe kanë qenë objektiv i një fushate represioni dhe viktimë e abuzimeve të të drejtave të njeriut si pakicat e tjera myslimane.
Vizita e Xi në vitin 2022 ishte e para që nga viti 2014.
Sipas transmetuesit shtetëror CCTV, Xi Jinping “theksoi se përparësia është para së gjithash ruajtja e stabilitetit social” si dhe “përdorimi i këtij stabiliteti për të siguruar zhvillimin e këtij rajoni autonom. , gjatë një fjalimi në Urumqi, kryeqyteti rajonal i Xinjiang.
Presidenti kinez këmbënguli në “nevojen për të kombinuar forcimin e luftës kundër terrorizmit dhe separatizmit me normalizimin e stabilitetit social dhe respektimin e ligjit”.
Ai më në fund u bëri thirrje zyrtarëve vendorë që të “promovojnë sinicizimin e Islamit në mënyrë më të thellë dhe më efektive të kontrollojnë aktivitetet e paligjshme fetare”.
