Afera e sterilizimit ka marrë vemendjen e kryedemokratit Sali Berisha gjatë konferencës së përjavshme për mediat.
Kreu i PD nuk i ka kursyer aspak akuzat e ashpra ndaj ish-ministrit të Shëndetësisë, Ilir Beqaj duke thënë se “ka emëruar kushëririn e parë në krye të komisionit të vlerësimit të koncesionit”.
“Ka emëruar Byrazerin dhe ja ka fal vetes së tij aparaturën, një kat spitali, kompletet kirurgjikale, energjinë elektrike dhe ujin”, tha Berisha.
Sipas Berisshës, ish-ministri i Shëndetësisë është i zhytur në disa afera duke grabitur paratë e taksapaguesve shqiptarë, ndaj pyetja që i drejtohet SPAK është: “Çfarë duhet të bëj Beqaj që të ngrihet padi ndaj tij”.
“Beqaj është hajdut vrasës. Në të gjitha ligjet e botës është hajdut vrasës, sepse ka zëvendësuar një sistem që ekzistonte, me një sistem me kosto 80 herë më të lartë. Ka hapur vet procesin dhe ka bërë vetë pikëzimi. Ka emëruar kushëririn e parë në krye të komisionit të vlerësimit, Byrazerin, dhe ja ka fal vetes së ti aparaturë, një kat spitali, komplete kirurgjikale, energjinë elektrike, ujin. Çfarë duhet të bëj Beqaj që duhet të ngrihet padi. A nuk janë Beqaj të vërtetë, në këtë qëndrim që mbajnë kundër pasurive tuaj? Këta e tejkalojnë Beqajn. Këta nuk gjetën motiv në të gjitha këto, në 5-6 firma dhe Beqaj del e deklaron se nuk i është dhënë asnjë të mirë publike për përdorim”, deklaroi Berisha.
