Marrëdhënia midis Greqisë dhe Shqipërisë duket se ka hyrë vërtetë në apokën e akullnajave.
Pas përjashtimit që Kyriakos Mitsotakis i bëri homologut Edi Rama duke mos e ftuar në darkën jozyrtare të liderëve të Ballkanit në Athinë këtë të hënë, një tjetër goditje ka ardhur për Shqipërinë.
Mëngjesin e sotëm me urdhër të qeverisë janë nisur në ndihmë për shuarjen e zjarrëve që po shkrumbojnë Greqinë, disa mjete zjarrfikëse dhe punonjësë të shërbimit zjarrfikës, nga Maliqi, Korça, Gjirokastra dhe Tirana.
Punonjësit e shërbimit zjarrfikës do të angazhoheshin për emergjencat civile në zonën e Aleksandropulit, ku do të marrin pjesë në operacionet për shuarjen e zjarreve që tanimë i janë afruar qytetit dhe i kanë marrë jetën 18 emigrantëve.
Por, pasi qëndruan për disa orë në qytetin e Bilishtit dhe më pas në Pyllin e Cangonjit, zjarrfikësit shqiptarë janë kthyer mbrapsh.
Kjo pasi, sistemi europian i Mbrojtjes Civile i ka kthyer përgjigje Shqipërisë se Greqia nuk ka më nevojë për ndihma tokësore sa i takon situatës së zjarreve, pasi ato janë plotësuar nga vende e tjera të BE.
Pavarësisht këtij refuzimi përmes strukturës së BE për zjarret, në varësi të situatës nuk përjashtohet mundësia që nga ana e shërbimit zjarrfikës të prefekturës së Korçës të dërgohen mjete të tjera si dhe punojës të këtij shërbimi ti vinë në ndihmë Greqisë.
