Disa vatra zjarri janë raportuar në vend këtë të Hënë.
Në Lapardha të Beratit, llogaritet paraprakisht të jenë djegur rreth 200 m2 shkurre si dhe disa rrënjë ullinj.
Dyshohet se zjarri ka rënë nga linja elektrike e amortizuar që kalon në zonë.
Në Durrës ndërkohë, është përfshirë nga flakët një lokal në zonën e plazhit.
Dyshohet që shkak i zjarrit të jetë bërë një shkëndijë elektrike.
Në të dyja rastet zjarri është shuar dhe nuk raportohet për të lënduar.
Ndërsa pranë fshatit Nartë, buzë rrugës nacionale që lidh këtë fshat me Zvërnecin dhe Vlorën, flakët janë aktive, duke djegur disa hektarë me shkurre.
Zjarrfikësja ka mbërritur në vendin e ngjarjes, ndërsa e gjithë zona është mbuluar nga tymi. Gjithashtu, është bllokuar edhe qarkullimi rrugor në këtë segment.
